Banang OFW giluiban sa asawa

83

Davao City – Midanguynguy ang usa ka bana samtang nagpatala sa Talomo PNP kabahin sa matud pa pagka maluibon sa iyang pinakaslang asawa.

Complainant naila nga si alyas Rey, 35-anyos, usa ka OFW ug nagpuyo sa may Matina ning siyudad.

Sumbong niini, atol sa iyang pag-abot sa ilang panimalay gikan nanimpalad sa gawas sa nasud, inay sugaton kini ug paghangop pangabubho naman ang mibuga kaniya.

Pinagi sa usa ka cellphone, gipakita sa iyang concerned nga paryente kun unsa ang tirada sa iyang asawa nga si alyas Jen samtang atua siya sa gawas sa nasud aron manarbaho.

Makita matud pa sa cellphone ang sex scandal sa iyang asawa uban ang laing lalaki hinungdan sa pagka hugno sa iyang kalibotan ilabi na nga duna silay usa ka 10-anyos nga babayeng anak.

Sa kasamtangan, ginaimbestigahan na sa kapolisan ang nahisgutang kaso.

RadyoMaN Paul Canono

Facebook Comments