Naka half-mast ang bandila sa kapitolyo sa Flag raising ceremony kagahapon sa buntag.
Kini subay sa direktiba ni Governor Bambi Emano kang Provincial Administrator Jocelyn Lood Mateo isip pahasubo ug pagrespeto sa namatayng si kanhi Senador Aquilino “Nene” Pimentel Jr.
Mahinumdumang si Pimentel nahimong mayor sa Cagayan de Oro gikan Hunyo 1980 hangtud Hunyo 1984, kanhi Assemblyman gikan Hunyo 1984 hangtud Marso 1986 ug kanhi gobernador sa Misamis Oriental.
Sa karon, naghulat nalang ang kadagkoan sa lalawigan sa desisyon sa pamilyang Pimentel aron masayran kung pwede bang dalhon ang patayng lawas sa kanhi senador sa kapitolyo.
Facebook Comments
