Daw sa adunay round number 2 karun sa bugno sa pulitika sa Cabadbaran City, Agusan del Norte nga gilambigitan sa original nga asawa ug ikaduhang bathala ni Congressman Erlpe John Amante.
Kini human nga naduso na sa buhatan sa City COMELEC Cabadbaran, ang petisyun alang sa recall election sa Kasamantangan Mayor Katrina Mortola nga maoy gikaipon karun sa Congressman.
Gi file kini sa miading adlaw nila ni Gov. Angel Amante – Matba, Vice Governor Rambu Bungabong, kanhi Mayor Dale Corvera ug Judy Chin Amante
Gihimung basihan sa mga petitioners nga sumala pa walay salig ang mga katawhan sa Cabadbaran sa pagdumala ni Mayor Mortola tungod kay matud pa nahimung “puppet” lang ang opisyal ni Cong. Erlpi John Amante.
Daghang mga opisyal nga function ni Mayor Mortola nga imbes siya matud pa ang motrabaho, si Cong. Amante na sumala pa ang nagdala.
Malaumon si Atty. Homer Mabale, abogado sa kampo sa mga petitioners nga dunggon sa COMELEC ang ilang petisyon aron makapahigayun ug special election pagka-Mayor sa dakbayan sa Cabadbaran.
(Nakuha nila ang 11,413 nga pirma gikan sa mga katawhan sa Cabadbaran aron mosuporta sa recall petition, diin mas labaw pa kini sa 25% nga pirma sa mga rehistradong botante sa usa lugar basi sa gilagda sa Local Government Code.
.
Sa pikas bahin, Duda si Atty. Mark Tolentino, usa ka law expert nga matapos ang recall petition nga gidusu ni Judy Amante batok kang Mayor Katrina Mortola sa Cabadbaran city gumikan sa taas nga proseso niini, kakulangon sa panahon ug kakulangon usab sa mga personahi sa COMELEC Cabadbaran.
Sa interview sa RMN DXBC Butuan gibutyag ni Atty. Tolentino nga basi sa balaod kinahanglang usa-usahon sa pag-beripika sa COMELEC ang dul-an sa 15 mil ka mga pirma sa recall petition. Diha sa berikipikasyon, susihon sa taga COMELEC kung tinoud ba ang pirma nga nabutang sa petisyon uban sa pagsiguru kung nabasa ug nasabtan ba nila ang unod sa ilang gipirmahang petisyon.
Niya pa nga dili paigu ang isyu nga “puppet” lang si Mayor Mortola ni Cong. Erlpi John Amante, aron tawgun nga adunay “loss of trust and confidence” sa mga katawhan ngadto kaniya.
Alang kang Atty. Tolentino walay kalainan nila ni Mayor Mortola ug ni Judy Amante kay ang nahisgutan matawag pod nga “puppet” ni Gov. Angel Amante – Matba.
Niapilar si Atty. Tolentino nga respetohon ang mandato sa mga katawhan sa Cabadbaran nga gihatag kang Mayor Mortola niadtong nakalabyang eleksyon ug suportahan ang iyang mga plano alang sa kalamboan.
Walay laraw si Atty. Tolentino nga molansar ug balik pagka-Mayor sa Cabadbaran ugaling paboran sa COMELEC ang recall petition ug magpahigayun ug special election.
