NEGROS OCCIDENTAL – Natalana nga maga-abot sa probinsya sang Negros Occidental ang bangkay sang nagtaliwan nga si anay 5th District Congressman Apolinario Jun Lozada, Jr. bwas nga adlaw, Domingo, August 5.
Si Lozada ang napatay sadtong nagligad nga July 31, 2018 may mg alas 6:25 sang aga bangud man sang brain hemorrhage kon diin na-diagnose ini siya nga may prostate cancer sadtong tuig 2014 kag humalin sadto, amat amat na nga nag-deteriorate ang iya nga health condition.
Madumduman nga nangin anay Ambassador to Palau man si Lozada kag iban pa nga pwesto sa Austria kag Vatican.
Nag-serbe si Lozada bilang Adviser for Foreign Affairs sadtong 1992 sa idalum sang administrasyon ni anay President Fidel V. Ramos.
Siya man ang main author sang Dual Citizenship Act kag nag-serbisyo sang 2 ka termino bilang congressman sang 5th District sang Negros Occidental.
Si Lozada ang kasado kag may duha ka mga kabataan nga sanday Charmaine kag Apple nga lunsay na mga professional. / Negros Occidental PIO File Photo: Gov. Alfredo G. Marañon, Jr. (3rd from left) with former Mayor Alberto Nicor, Jr. of La Castellana, Mayor Magdaleno Peña of Pulupandan before now of Moises Padilla, Former Mayor Francisco Nazareno of Moises Padilla, the late 5th District Board Member Renato Malabor of Isabela, the late Isabela Mayor Quito Montilla, and former 5th District Rep. Jun Lozada (l-r) at the Pulupandan Municipal Hall during the Salapan Festival celebration in the town, February 14, 2012.
