BACOLOD CITY – Isa ka lalaki ang ginbuno sang gunting bangud gid lamang sang indi pag-itiendihanay sa transaction sang cellpone kagab-i sa Brgy. 12, Bacolod City.
Ang biktima ginkilala kay Rey Buenafe, 30 anyos, kasado kag pumuluyo sang Purok Kingfisher, Brgy. 16, ciudad sang Bacolod, samtang ang suspek naman ang nakilala lang kay Alyas Tangoy.
Suno sa imbestigasyon sang Police Station 1 ang insidente natabo pasado las 8 kagab-i sa dalan Luzuriaga – Bonifacio, Brgy. 12 kon diin may natabo nga paglinalisay sa tunga sang biktima kag suspek bangud sa misunderstanding sa isa ka transaction sa cellphone.
Ang biktima nag-angkon sang igo sa iya ulo matapos ginbuno sang suspek gamit ang gunting.
Gindala sa Corazon Locsin Montelibano Memorial Regional Hospital ang biktima samtang nagpalagyo naman ang suspek./dyHB BACOLOD
