KABANKALAN CITY – Dead on arrival sa Doña Corazon Locsin Montelibano Memorial Regional Hospital ang isa ka magulang matapos nga ginbuno sang iya manghod, pasado alas 11:30 kagab-i sa Sitio Luwag, Barangay Locotan.
Ang biktima ang ginkilala kay Alfred Sondia, 30 anyos samtang ang suspetsado amo si Raffy Sondia, 24 anyos, lunsay residente sang amu nga lugar.
Sandig sa imbestigasyon sang mga kapulisan, naglalisay ang mag-utod bangud sa ginpa-photocopy sang magulang ang PhilHealth member data record sang manghod nga ginpangayo saila sang syudad.
Tungod sa malain nga tinaga nga ginbuya sang manghod ginsumbag ini sang iya nga magulang apang likom sa ihibalo sang biktima may kutsilyo ang suspek kag iya nga ginbuno sa dughan ang magulang nga nagresulta sang iya kamatayon.
