EB MAGALONA, NEGROS OCCIDENTAL – Isa na naman ka lalaki ang nabiktima sang pagbuno bangud sang hinubog nga istorya kagab-i sa Poblacion, EB Magalona.
Nakilala ang biktima nga si Diosdado Gargallano, 38 anyos ang edad, kasado kag pumuluyo sang Purok Tondo, Brgy. 3 Poblacion, EB Magalona.
Ang suspek naman ginkilala nga si Melvin Cainila, 28 anyos ang edad, kasado kag pumuluyo man sang amo nga nga lugar.
Suno sa EB Magalona Police Station, may mga las 10:20 kagab-i sa amo man mismo nga lugar, ang biktima kag ang suspek ang magka-upod nga naga inom-inom.
Apang bangud nga lunsay na naka-inom, may natabo nga mainit nga paglinalisay sa tunga sang biktima kag suspek tubtub nga ginlabo sang suspek si Gargallano gamit ang kutsilyo.
Nag-angkon sang pilas ang biktima sa iya tuo nga kilid kag likod sa diin dali-dali ini nga gindala sa Teresita Jalandoni Provincial Hospital, samtang ang suspek naman ang gilayon nga nagpalagyo./dyHB BACOLOD
