BACOLOD CITY – (2nd Update) Kapin sa 31 ka pamilya ang apektado sang sunog kahapon sang aga sa Prk. Kabukiran, Brgy. Taculing, Bacolod City.
Ang mga apektado nga pamilya ang temporaryo sa karon nga naga-istar sa Bacolod City National High School kag sa lugar mismo sang sunog.
Ginpahayag ni Kagawad Carding Abangan, gilayon naman nag-responder si Mayor Bing Leonardia sa lugar kag ginmanduan ang DSSD sang syudad sang Bacolod para hatagan sang relief goods ang mga survivors sang sunog.
Makabaton ini sila sang financial assistance kag may tsansa nga masaylo sa Relocation Site.
Samtang, naga-apelar man ang mga Brgy. Officials sang Brgy. Taculing sa mga luyag mag-bulig sa mga biktima sang sunog, pwede lang ini madul-ong sa Brgy. Hall ukon ma-derecho sa evacuation center sa Bacolod City High School.
Ang amu nga sunog ang nagtupok sang 23 tanan ka balay sa diin naupos gid ang 16 nga nag-umpisa sa kandila nga ginsendihan matapos nagbrownout sang kaagahon sang Domingo.
Masobra 200 mil namang estimated damage sa sunog.
