KABANKALAN CITY – Padayon karon nga ginbulong sa ospital ang isa ka anum ka tuig nga bata nga nasunog ang guya kag pila ka parte sang lawas matapos nga naghampang sang posporo kahapon sa Purok 4, Kabankalan City.
Ginpahayag sang tiya sang biktima nga wala natalupangdan nga nagsulod sa bodega ukon stockroom ang amo nga bata, nagkuha sang posporo kag ginhampangan.
Ulihi na sang ila nakita nga nagkarab-karab ang posporo nga ginhampangan sang biktima gani nasunog ang iya sini guya kag iban pa nga parte sang lawas.
Gilayon man nga gindala sa Corazon Locsin Montelibano Memorial Regional Hospital ang biktima kag padayon nga ginadapatan sang nagakaigo nga medikasyon. (Photo credit to the website indicated)
Facebook Comments
