Tangalan, Aklan — Nakaangkon it tama it pag-eabo rong sangka eaeaki matapos nga eab-on kabii sa Brgy. Lanipga, Tangalan, Aklan.
Ro biktima nakilaea kay Jory Barrios, 21-anyos nga nakaangkon it tama sa waea nga butkon, samtang rong suspek hay nakilaea man kay Ronald Belenario, 21-anyos tanan residente it nasambit nga lugar.
Nasayuran nga ro dating nobya it suspek hay presente nga nobya makaron it biktima. Kabii gin inusoy it suspek rong daywa ag nakapanago.
Sa pag-eaom nanda nga nakapanaw eon rong suspek sanda ra hay gumuwa sa ginapanaguan pero nakibot eamang ro biktima tag imaw ra hay linabo it suspek.
Sa makaron hay padayon nga ginabueong sa Provincial Hospital rong biktima.
Bulontaryo nga nagsurender ro suspek sa Tangalan PNP ag may insyal nga kasugot sa pamilya it biktima nga indi eon sanda magpasaka it kaso basta sabton na rong gastos sa hospital.
