Pormal nga ideklarar bwas nga adlaw, Nobyembre 20 sang Philippine Drug Enforcement Agency ukon PDEA 12 ang Surallah bilang ikaduha nga banwa sa South Cotabato nga drug cleared municipality nga may 17 ka mga barangay. Ini ang nangin kumpirmasyon ni PDEA 12 Regional Director Naravy Duquiatan.
Nahibaluan nga una nga gindeklarar nga drug cleared ang banwa sang Tantangan matapos nga halos sang mga barangay sini ang drug cleared.
Sa subong suno kay RD Duquiatan yara na sa 142 ka mga barangay sa South Cotabato ang nadeklarar kag 57 pa ka mga barangay ang drug affected.
Samtang walo pa ka mga barangay sa probinsya ang wala pa nakacomply sang drug clearing requirements.
Lakip sa mga parameters agud nga madeklarar nga barangay nga drug cleared amo nga wala na sang druga sa barangay, wala na sang drug den, wala na sang marijuana plantation site, wala sang users kag pushers subong man padayon ang community base rehabilitation program kag iban pa.
Apang ginhatagan punto ni Duquiatan nga kon indi masustain sang barangay ang drug cleared pwede suno pa ini nga marevoke.
