PDRRMC natalana nga isubmitir sa Sangguniang Panlalawigan ang rekomendasyon nga paglift na sang deklarasyon sang state of calamity sa dengue.

12

Natalana nga isubmitir sa Sangguniang Panlalawigan sang Provincial Disaster Risk Reduction and Management Council ang rekomendasyon sini nga paglift na sang deklarasyon sang state of calamity sa balatian nga dengue.
Suno kay PDRRM Operations and Warning Division Chief Rolly Aquino ini tungod may-yara naman sang ginforward nga sulat sa ila ang Provincial Health Office nga pwede na nga i-lift ang deklarasyon sang state of calamity tungod nagnubo naman ang kaso sang balatian nga dengue sa probinsya.
Apang suno kay Aquino bisan nga i-lift na ang deklarasyon sang state of calamity magapadayon sa gihapon ang intervention kapareho sang Oplan Kulob, misting operations kag iban pa.
May-angot sini, ginahangkat niya ang mga pumuluyo nga ipadayon ang search and destroy agud nga mapunggan ang pagsaka sang kaso sang balatian nga dengue sa probinsya.
Nahibaluan nga sang bulan sang Hulyo ginpaidalom sa state of calamity ang probinsya sang South Cotabato tungod sa dengue outbreak ukon mataas ang kaso sang nasambit nga balatian sa probinsya.

Facebook Comments

From Advertisers