Nakit-an ni Cagayan de Oro City Comelec Officer Ramil Acol nga si Kapitan Jose Ligtas sa Barangay 35 dunay kalapasan sa section 89 sa Omnibus election code.
Kini tungod sa iyang vote buying sa barangay election niadtong May 14, 2018.
Sa siyam ka pahinang resolution nga gipakana-og sa City Comelec niadtong Pebrero 8, 2019, gibutyag ni Acol nga iyang nakit-an nga dunay probable cause si Kapitan Ligtas nga pasakaan sa kasong criminal sa korte for vote buying.
Ang resolution ni Acol, basi sa reklamo ni Norma Gabisan ang kontra ni Kapitan Ligtas sa pagka kapitan sa Barangay 35 atol sa barangay election niadtong Mayo sa milabayng tuig.
Matud ni Acol nga lig-on ang mga ebedensiya ug testimonya si Gabisan kinsa mi-ingon nga si Ligtas nanghakot sa mga botante gikan sa Barangay Camaman-an ug iyang gipabotar sa iyang kandidatura sa pagka kapitan sa Barangay 35 atol sa barangay election niadtong Mayo sa milabayng tuig.
Gibutyag ni Acol nga atol sa iyang Preliminary Investigation sa reklamo ni Gabisan iyang nakit-an nga huyang ang depensa ni Kapitan Ligtas sa iyang pag-ingon nga wala siya mamalit og boto sa barangay election.
Matud ni Gabisan nga niadtong gabie sa wala pa ang election sa barangay niadtong Mayo 14 sa milabay nga tuig, iyang nakit-an uban sa iyang mga testigos ang Nissan Van ni Ligtas nga puno sa mga botante gikan sa barangay Camama-an ug iya pang gipakaog ug gipa-inom ang maong mga flying voters.
