General Santos City—Sikop sa operatiba sa Kiamba MPS, SPPO PIB/PDEU, Sarangani PMFC, PDEA 12 ug uban pang unit sa kapulisan ang usa ka Barangay Kapitan sa Kiamba, Sarangani Province kansa nag-atubang ug kasong kalapasan sa RA 9165, atol sa ilang gihimong Manhunt Charlie.
Giila ang suspek nga si Brgy.Captain Latip Mingkat, Barangay kapitan sa Brgy. Tambilil, Kiamba, Sarangani Province.
Alas 4:15 sa hapon dihang nasikop ang nasangpit pinasikad sa warrant of arrest sa kasong kalapasan sa sec 11, ART II sa R.A 9165” nga may criminal Case No: 00834-18 nga gipagula ni Hon. Judge Rebecca G. Dardo-Seredrica, Presiding Judge sa Branch 46, Alabel Sarangani.
Wala na mipalag pa ang nasangpit nga opisyal dihang gipakita kaniya ang warrant of arrest sa kasong iyang giatubang. Nasayran nga nasikop si Kapitan Latip Mingkat didto mismo sa ilang panimalay sa Barangay Tambilil.
