Gimanduan karon sa Office of the Ombudsman si Barangay Puntod Chairman Marvin Beja, sa pag-submit sa iyang counter affidavit sulod sa napulo ka adlaw. Kini aron tubagon ang kasong criminal ug administratibo, nga gipasaka ni Mar Giovni Cabingas, usa ka tax payers sa Barangay Puntod. Nasayran nga gisumbong ni Cabingas sa Ombudsman si Beja human kini nag-solicit og 30 mil pesos sa Blue Energy Fuel Station sa barangay Puntod niadtong Setyembre 2017. Ang maong solicitation, alang sa prizes sa ilang cultural activities, atol sa ilang ika 57th ka tuig nga charter day sa barangay. Samtang gitagaan sa Blue Energy og singko mil pesos si Kapitan Marvin Beja apan gibulsa kini sa Kapitan. Nasayran nga wala usab masulod sa Book of Account sa barangay Puntod niadtong Setyembre tuig 2017. Kini ang rason, nga gipangayo sa usa ka Mar Cabingas sa Ombudsman, nga si Kapitan Beja i-suspended sa katungdanan samtang husayon pa ang reklamo. Gawas niini, gipangayo usab ni Cabingas nga pasakahan og kasong graft and corruption sa Sandigan bayan sio Beja, ug silotan sa kasong administratibo, tungod sa iyang pagbulsa sa singko mil pesos nga gi-solicit niini sa Blue Energy Fuel Station.
