Barangay Tanod binuno, patay

Malinao, Aklan — Dead on-the-spot rong sangka Barangay Tanod matapos bun-on kabii sa baylehan it Brgy. Sugnod, Malino, Aklan.
Nakilaea rong biktima kay Pamfilo Revillo mga saysitahon rong edad ag residente it Brgy. Bulabod samtang rong suspek nakilaea mat a kay Enrico Yabut, 44-anyos ag residente it Brgy.Navitas sa nasambit nga banwa.
Suno kay PSINSP. Alfonso Manoba Jr., ro Chief of Police kung Malinao MPS nga nakabaton sanda it report halin sa Punong Barangy it Barangay Sugnod nga may ginbuno sa andang baylihan.
Insigida man nga ginrespondehan ag naabutan pa nanda rong bangkay nga nagahamyangon ag maabong tama it pagbuno. Sa imbestigasyon naga guwa nga nagkita rong daywa sa sangka baraka ag may nagpatunga kandang mainitang diskusyon dayon binayo it suspek ro biktima ag dayon ginbinuno.
Nadakpan man eagi rong suspek ag magapangatubang man it nagakaigong kaso.
Nasayuran nga dati mang may away rong daywa kung sa siin linabo man it biktima rong suspek.