Isa ka bata ang napatay sa isa na naman ka sunog nga nagluntad may mga las 5 sini gid lamang nga kaagahon sa Purok Sigay, Brgy. 2, Bacolod City.
Ang biktima nga si Reniel Macapal, 5 ka tuig ang edad ang ginkilala mismo sang iya iloy nga si Beverlyn Macapal, 27 anyos, residente sang Purok Kagaykay.
Suno sa iloy, ang iya bata gintugyan niya sa iya pakaisa nga tag-iya sang balay nga nasunog apang ini ang na-trap sa ikaduha nga panalgan gani wala naka-gwa.
Base sa record sang BFP, isa ka balay ang totally gutted by fire nga ginapanag-iyahan ni Merlinda Cuadra, samtang 3 naman ang partially gutted by fire.
Sa karon padayon ang ila imbestigasyon kon bala ano ang gintunaan sang sunog kag diin ini nagsugod. Samtang ginpahayag naman sang mga naka-kita nga ang sunog ang naghalin sa balay ni Cuadra.
[image: image.png]
