Batan-on gi-atake sa walo

26

Davao City – Daling gidala sa Southern Philippines Medical Center (SPMC) ang usa ka 18 anyos nga batan-ong lalaki nga si Dennis John Solis Lumbre, residente sa SIR Phase 2 Brgy. 76-A Bucana ning syudad, human gitabangan og bunal ug dunggab sa walo ka mga wala mailhing grupo sa mga lalaki.

Sa rekord sa San Pedro PNP, samtang ang biktima nagsakay og trisikad sa may dalang C.M Recto alas 2:30 karon lang kadlawon, kalit siyang giduol sa usa ka grupo sa mga batan-on nga dunay walo ka mga miyembro ug sa walay daghang storya kalit siyang gi-bunalan gamit ang bato tumong sa ulo ug gidunggab pa gayud igo sa iyang likod sa tulo ka higayon.

Daling misibat sa wala matino nga direksyon ang mga suspek samtang gidala ang biktima sa SPMC nga padayon pang ginatambalan sa mga doktor.

Posibleng natripan lang ang si Dennis samtang padayon pa usab nga gina-imbestigahan sa kapolisan ang pagkatawo sa mga suspek ug ginasubay pa’g duna bay CCTV camera nga gimontar sa lugar aron sa posibleng pag-ila ug sikop sa mga suspek.

RadyoMaN Paul Canono

Facebook Comments