Patay na dihang makita sa Agusan River nga naglutaw ang 15 anyos nga si Jaymark Echon, taga Purok 3 Brgy. Mandamo ning dakbayan sa Butuan.
Pamahayag sa igsoon nga Enero dos dihang nahitabo ang pagkalumos sa biktima human gibinuangan ug gitabangan ug aswat sa iyang mga barkada samtang nagpicnic kilid sa suba sa Brgy. Dankias ning dakbayan sa Butuan.
Samtang gipamahayag ni Evelino Echon, amahan sa biktima nga anaa lang sa kilid ang iyang anak apan gidayungan sa mga kauban ug sa dihang nakatamak ug lalom nga bahin sa suba gibuhian ang biktima, gisulayan pa ug luwas apan ang nagluwas ang hapit sab nalumos ug anaa kini karon sa balay tambalanan.
Dugang pa sa amahan nga kinahanglan nga makab-ot ang hustisya sa kamatayon sa iyang anak.
Madumduman nga unang nakita kaganina ang patayng lawas ubos sa Macapagal Bridge ning dakbayan sa Butuan.
Sa pikas bahin, panahon na nga ibawal na gyud sa local nga panggamhanan ang pagkaligo sa Agusan river.
Pamahayag ni Kapitan Jose Cataloña sa Brgy. Mandamo, dili lang karon nahitabo nga adunay nalumos ug napatay sa maong suba kundili sukad pa kaniadto daghan nang kinabuhi ang nakalas samtang naligo sa Agusan River.
Nahibaloan nga ang patyang lawas ni Jaymark Echon ang nakatakda kining ipailalom sa otopsiya (with report sasie babar/ivy falcone).
