Bayanihan sa Number 1 nagpanagtag sa Brgy. Cabug

10

Nagapasalamat ang isa ka manug-libod sang pagkaon sa Brgy. Cabug, Bacolod City nga isa siya sa mga benepisyaryo sang Bayanihan sa Number 1 sa DYHB.

Ang amo nga beneficiary ang nagapangamuyo nga kuntani matapos na ang coronavirus agud nga makabalik na siya sa paglibod sang pagkaon.


Kag samtang wala pa siya nagalibod, nagapasalamat siya nga isa siya sa nakabaton sang food packs gikan sa Bayanihan.

Samtang, dako man ang pagpasalamat ni Punong Barangay June Malang nga nalab-utan ang iya pumuluyo sang Bayanihan sa Number 1 sang DYHB.

Ang Bayanihan sa Number 1 isa ka serbisyo publiko sang DYHB para sa pigado nga mga pumuluyo sang ciudad sang Bacolod nga wala nakabaton sang cash aid halin sa gobierno kaangay sang SAP grant kag mga indi man benipisyaryo sang 4Ps.

Ini nga proyekto ang natigayon pinaagi man sa mga donors nga may bulawanon sang tagipusuon nga naghatag sang ila hamili nga bulig para sa kadalag-an sang proyekto.

[image: image.png]




Facebook Comments