Naghanyag og fisheries scholarship program ang Bureau of Fisheries and Aquatic Resources kon BFAR Region 10.
Kini ang gibutyag ni BFAR 10 Regional Director Teodoro Bacolod, Jr. atol sa talakayan sa Philippine Information Agency kagahapong adlawa.
Matud ni Director Bacolod nga ang maong programa ginatanyag sa mga angayang estudyante nga interesadong mo eskwela og upat ka tuig nga BS Fisheries course labi na kadtong mga anak sa mangingisda.
Gikabutyag usab nga ang maong scholarship program gahatag og tulo ka slots alang sa mga fisheries Industry Leader ug 20 ka slots sa Fisherfolk Children Education Grant.
Nasayran nga pribilihiyo sa mga iskolar sa BFAR mao ang libreng tuition fees, allowance nga 4,000 pesos matag bulan, on-the-job/ practicum support nga 3,000 pesos, book allowance 2,000 pesos, thesis/ special problem support 7,000 pesos ug graduation support nga 1,500 pesos.
Samtang, alang matud pa sa intresadong mo avail sa maong scholarship nga anak sa mangingisda mahimo lang makisayod niini sa buhatan sa BFAR o sa ilang tagsa tagsa ka munisipyo labi na sa buhatan sa Municipal Fisheries and Aquatic Resouces alang sa dugang information.
