General Santos City—Gibutyag ni SF03 Allan Rey Emperio nga andam na ang buhatan sa BFP Gensan sa ilang preparasyon sa fire prevention month karong bulan sa Marso.
Sumala pa ni Emperio nga susama lang gihapon ang ilang pagahimoon sa fire prevention month ang paghatod og paghatag og mga impormasyon sa katawhan pinaagi sa pakig-alayon nila sa media.
Samtang ilaha usab gipakusgan ang pag-inspeksyon sa mga building structure ug uban pa aron masiguro gayud ang seguridad sa kinabuhi sa katawhan.
Giawhag usab ni Sf03 Allan Rey Emperio ang katawhan nga gikinahanglan nga kanunay silang andam og aktibo sa paghatag og impormasyon nga kung duna silay nahibaw-an nga sunog sa ilang lugar gilayon kining i-report sa ilahang buhatan aron dayon marespondehan.
Saysay pa ni Emperio nga dili gayud pasagdan sa mga ginikanan ang ilang mga bata nga magdula og posporo, lighter ug uban pang butang nga makamugna og sunog.
Nangpahimangno usab si Emperio sa katawhan nga dili gayud mogamit og jumper sa plangka o magbutang og wire tungod kay dili kini safety panahon sa sunog gumikan kay magpadayon lang gihapon ang pagsulod sa kuryente mas maayo nga mogamit gayud og fuse aron safety og malikayan ang sunog sa panimalay. (Reynald Timario)
