Gipangunahan sa Bureau of Fire and Protection (BFP)-Malaybalay City ang usa ka motorkada palibot sa dakbayan uban ang mga nagkadaiyang ahensiya.
Kini isip pagsaulog sa Fire Prevention Month karong bulan sa Marso nga gitemahan og “Sa Pag-iwas sa Sunog, hindi ka nag-iisa”.
Una pa lang kini sa mga nakahan-ay nga mga programa sa buhatan alang karong bulana.
Panghimangnu usab nila sa katawhan nga magmabinantayon sa palibot ilabi na sa mga kasagarang hinungdan sa sunog aron nga magpabilin ang kahapsay ug kaluwasan sa usag-usa batok sa maong trahedya.
Sa pikas nga bahin, atol sa gipahigayong programa sa BFP-Malaybalay, mikortesiya usab si PBGen. Benjamin C. Acorda Jr., Regional Director sa PNP-10 ngadto sa probinsyal nga pangagamhanan sa Bukidnon.
Facebook Comments
