Personal nga gitunol ni PBGen. Benjamin C. Acorda Jr., PNP-10 Regional Director ang plaque of appreciation ngadto kang Governor Jose Maria R. Zubiri isip timaan sa iyang pagpasalamat sa probinsya sa mga tabang nga napadangat sa kapulisan.
Kini atol sa pagbisita sa Regional Director sa PNP kagahapon didto sa Provincial Compound, Malaybalay City, Bukidnon uban ni Bukidnon Police Provincial Office Director PCol. Jun Mark J. Lagare.
Gitunol ni PBGen Acorda ngadto kang Governor Zubiri ang usa ka plaque nga nagtimaan sa iyang pagpasalamat sa Kagamhanang Probinsyal sa tanang suporta nga gipaabot niini sa kapulisan dinhi sa lalawigan, sama sa mga sakyanan ug mga ekipo alang sa pagpatunhay sa kahusay ug kalinaw sa Probinsya sa Bukidnon.
Nasayran nga pinaka-ulahing natunol sa Provincial Government of Bukidnon ang tulo (3) ka unit sa double cab service vehicle with troop carrier (4×4) nga nagkantidad dul-an dos milyones ka pesos matag usa.
Facebook Comments
