Ciudad sang Bacolod ginapa-preparar na ang mga kabarangayan para sa mangin sitwasyon sini kun panubuan pa gid ang ginapatuman nga Modified General Community Quarantine (MGCQ) matapos ang Hunyo 15.
Sa interview sang DYHB kay Vice Mayor El Cid Familiaran, chairman sang Bacolod Inter-Agency Task Force, ginpahayag sini nga magasapol si Mayor Evelio Leonardia sa mga punong barangay agud hingyuon ang mga ini nga mag-organize sang Barangay Health Emergency Response Team (BHERTS) nga magatutok sa tagsa ka mga purok.
Suno kay Familiaran, kabahin ini sang ila mga preparasyon kun may byahe na ang mga eroplano kag barko sa diin ginalauman ang pagdamo sang mga magapauli nga OFWs kag locally stranded inviduals (LSI).
Ginpahayag sang bise-alkalde, importante nga may yara gid sang mga BHERTS nga nakatutok sa tagsa ka purok agud mahapos ang pag-monitor sang mga magapauli nga OFWs kag LSI bangud aminado ang opisyal nga puno na sa karun ang mga quarantine facilities sang ciudad.
Ini man ang rason kun ngaa nagaplano ang city government nga magdihon sang Memorandum of Agreement (MOA) sa Department of Education agud himuon quarantine facilities ang mga bakante pa nga classrooms nga may yara sang kaugalingon nga comfort rooms.
[image: image.png]
