General Santos City— Gipasakaan na ug kaso sa kapulisan ang mukabat 25 katao nga responsable sa unang pagpamomba sa Isulan, Sultan Kudarat atol sa hamungaya festival.
Giila ni Police Chief Superintendent Eliseo Rasco, Regional Director sa Regional Police Office 12 ang nag-unang suspek nga si Aladin Mohammad Kikay ug laing 24 nga samang miyembro sa teroristang Bangsamoro Islamic Freedom Fighters kon BIFF.
Kasong multiple murder ug muliple frustrated murder ang gipasang-at batok sa mga nahisgutan nga nagpabilin pang gawasnon hangtud sa karon.
Dugang pamahayag ni PCSUPT. Rasco nga sa ikaduhang pagpamomba, aduna na silay nakuha nga computerized facial composite apan nagpabilin matud pa kining walay ilhanan.
Kung asa samang miyembro matud pa sa BIFF Torayfe ang suspek sa ikaduhang pagpamomba sa Isulan.
Sumala niya nga ang Toryafe group ang gikonsiderang ISIS insired kung asa miyembro kini sa 105th base command sa BIFF nga nahimong special operations group ug responsale sa pagpamomba
Gikumpirma man usab ni PCSUPT. Rasco nga duna silay nadawat nga mga bahad sa tibuok rehiyon 12 kung asa target matud pa sa mga pagpangatake sa torayfe group.
Rason nga mas hugot ga siguridad ang ilahang ginapatuman sa karon hilabina sa pagpatuman ug checkpoint. Pahimangno man usab niini sa kapulisan ngahimuon lang ang trabaho gumikan alang usab sa katawhan ang maong lakang.
Gani, iyahang gipangayo ang pagsabot sa publiko partikular na ang taas nga pila sa mga checkpoint, kini aron nga masigurong dili na gyud malutsan pa.
