Misaka na sa 139 ka mga pamilya ang nalista sa City Social Welfare and Development nga polos apiktado sa kusog nga pagbaha sa Barangay Bugo niadtong hapon sa Lunes.
Kini ang gipahibalo ni City Administrator Teddy Sabugaa, dungan sa pag-ingon nga basi kini sa nakuhang report sa iyang mga social workers atol sa ilang pakisusi sa maong hitabo.
Gibutyag sa maong opisyal nga basi sa ilang listahan mikabat sa tulo ka balay sa Bugo ang partially damaged samtang tulo ang totally damaged.
Sa karon, nagpadayon usab ang ilang mga social worker sa paghatud sa ayoda sa mga flood victims sa barangay Bugo, kinsa termporaryong gipahimutang sa Bugo Covered court samtang naputos sa lapok ang ilang mga balay.
Walay evacuees sa barangay Puerto bisan pa sa baha nga nahitabo tungod sa kusog nga ulan niadtong Lunes sa hapon.
Samtang sa barangay Cugman usa ka lalaki ang nadala sa hospital human naigo sa land slide apan luwas na usab ang kahimtang sa maong biktima.
Gipahayag ni Administrator Sabugaa nga usa ka balay sa Brgy. Cugman ang na-wash out tungod sa pagdahili sa yuta sa maong dapit.
