CAPIZ – Padayon ang distribusyon sang Certified Palay Seeds sa mga apektado nga mangunguma sa probinsya sang Capiz sang nagpanalasa ang Tropical Depression Agaton.
Ang Certified Palay Seeds ang ikatlo nga salga sang Yolanda Rehabilitation and Recovery Program sa DA sa Capiz sa diin ang distribusyon sang 19, 581 nga alokasyon ang halosa nagdungan sa pagpanalasa sang baha sa probinsya subong nga tuig.
Kalakip sa nagbaton sang Certified Palay Seeds ang Cuartero 1,081 bags, Dao 1,320, Dumalag 1269, dumarao 1965, Ivisan 303, Jamindan 1317, Maayon 1550, Mambusao 1680, Panay 1942, Panitan 1306, Pilar 661, Pontevedra 698, President Roxas 172, Roxas City 635, Sapian 640, Sigma 1605 kag Tapaz 1437.
Hugot sa karon ang panawagan sang gobierno probinsyal sa pagpanguna ni Gov. Tony del Rosario kaupod ang Office of the Provincial Agriculturist nga magpa-insured ang mga mangunguma sa Crop Insurance dako man ukon gamay ang ila ulumhan agud may mabaton nga benepisyo ang mga ini sa ti-on nga maapektuhan ang ila ulumhan sang kalamidad.
Mahibalu-an nga ang Crop Insurance ang libre para sa mangunguma bangod ang gobierno probinsyal ang nagabayad sini. Sa dugang nga impormasyon mahimo lamang magpakig-angot sa Municipal Agriculturist Office sa inyo nga lugar.
(c) Capiz Aksyon News Center
