Planong istoryahon sa Bureau of Internal Revenue kon BIR Region 10 ang opisyal sa Professional Regulation Commission kon PRC 10 aron masulbad ang gakahitabong pagpamaligya sa over priced nga mga documentary stamp tax sa gawas nga bahin sa ilang opisina.
Kini human sa reklamo nga gituki sa dxCC-RMN kalabot sa overpriced nga mga documentary stamp tax nga nagkantidad sa 35 pesos matag usa.
Apan gi klaro sa buhatan sa BIR Region 10 nga kini mapalit sa kantidad nga 15 pesos.
Apan ang matag usa, gitugutan lamang niini nga makapalit sa kantidad nga dili mulabaw sa 200 pesos o 13 ka loose stamp aron malikayan ang subling pagbaligya niini.
Laraw karon sa BIR nga musubay ang PRC sa Constructive Stamping o Receipt System kinsa nagpasabot nga ma indicate sa Government Official Receipt ang ilang gibayrang DST.
Basi sa Revenue Memorandum Order no. 13-2008, gimandoan ang tanang government agency ug pipila ka ahensya nga mugamit sa constructive stamping o receipt system sa pagpangolekta og DST sa tanang taxable transaction o dokumento.
Apan adunay option ang PRC aron mapadali ang pagpalit og DST, kini pinaagi sa electronic documentary stamp tax kon EDST apan sa kasamtangan congested ang maong systema hinungdan nga gi-upgrade kini sa BIR.
