Biyahe sang fast craft sa Bacolod-Iloilo vice versa suspendido sa gihapon

21

Wala pa sa gihapon sang byahe ang mga fast crafts halin Bacolod-Iloilo vice versa apisar nga may pahanugot na sang mga alkalde sang duha ka ciudad.

Ini ang gin-athag ni Frank Carbon, Chief Executive Officer sang Metro Bacolod Chamber of Commerce and Industry (MBCCI) kag operator man sang Weesam Express. Suno kay Carbon, wala pa sang byahe bangud wala nagasanto ang mga health protocols nga ginapatuman sang tagsa ka mga local government units sa Region 6, gani ginahulat nila ang Regional Inter-Agency Task Force nga makaguwa sang uniform protocols.

Sa Lunes posible nga makapaguwa na sang desisyon ang regional IATF gani suno kay Carbon, sa Martes ukon Mierkoles posible nga mag-resume na ang byahe. Naghingyo man ang mga operators sang kapin sa 30 pesos nga saka sa pletehan.

[image: image.png]

Facebook Comments