Nakilala na ang bangkay sang lalaki nga nasapwan aga sang (October 17) sa sulod sang salakyan nga naga-park sa dalan padulong sa Reclamation area, sakop sang Brgy. 6 sa ciudad sang Bacolod.
Suno sa hepe sang Police Station 2, Police Cpt. Leo Estopa ang biktima ginkilala kay John Cinco, 48, single kag pumuluyo sang Purok Cadena de Amor, Airport Subdivision, Brgy. Singcang Airport, Bacolod City.
Iya ginpahayag nga ang biktima ang gin-identify mismo sang iya pamilya.
Sa interview sang DYHB kay Estopa, iya ginsiling nga ginkadtuan nila ang lugar kasunod sang instruction ni NOPPO Director Col. Romy Palgue nga amo ang una ginpahibalo.
Sang nasapwan ang bangkay, nakita nga ini ang may pilas sa agtang apang base sa initial investigation, wala sang patimaan nga may struggle nga natabo.
Samtang sa interview sang DYHB sa pila ka residente nga naga-istar malapit sa crime scene, mga las-7:00 pa kagab-i ila nakit-an ang salakyan sa lugar.
[image: image.png]
