Gi-akusahan ni Vice Governor Jose Mari “Joey’ Pelaez si Misamis Oriental appointed Board Member President Elipe nga mao ang nagtudlo ni Board Member Erik Khu aron kuhaon gikan kaniya ang iyang gahom sa juggling of fund sa Sanguniang Panlalawigan.
Matud ni Pelaez nga si Elipe ang otok sa resolution nga gipasaka ni Khu sa ilang session niadtong Lunes aron hukasan siya sa iyang authority to augment fund sa Misamis Oriental Legislative Department.
Ang wala magustohi ni Pelaez kay gikuha gikan kaniya ang maong gahom nga wala siya maka-depensa sa iyang kaugalingon kay absent siya sa ilang session sa Sanguniang Panlalawigan.
Gi-question ni Pelaez, ngano nga wala usab kuhaa sa Sangguniang Panlalawigan ang authority to augment fund ni Governor Yevgeny Bambi Emano.
Hugot ang pagtoo ni Pelaez nga politika ang motibo tungod sa iyang paglansad sa pagka Congressman sa first district sa Misamis Oriental ubos sa Partido National Unity party ni kanhi Vice Governor Julio Uy.
