Dili pa masulti sa mga officials sa Bureau of Customs kon arson ba o dili ang pagka sunog sa mga basura sa Verde Soko nga gitambak sa Sitio Buguac, Barangay Santa Cruz, Tagoloan, Misamis Oriental.
Matud ni John Simon nga Collector sa Tagoloan International Container Terminal ug maoy custodian sa maong mga basura nga sigon sa ilang pakisusi nga kalit lang mi-aso ang nagtambak nga mga basura sa poder sa Phividec Industrial Estate.
“Sabi ng mga tao na nandon, bigla na lamang omosok nang konti, tapos hindi nila akala-in na lumaki na pala ang apoy” matud ni Simon,
Apan matud ni Simon nga kini theory pa lamang sa ilang mga saksi ug wala pay final resulta sa Imbistigasyon.
Kini gibutyag ni Simon, subay sa pagduda ni 2nd district congresswoman Juliet Uy, kinsa mi-ingon nga “destructive arson” ang pagka sunog sa controversial nga mga basura sa Verde Soko.
Gibasol ni Simon ang Verde Soko ug ang South Korean government tungod sa ilang paglangan-langan sa ilang pag-ship back sa maong mga basura balik sa south Korea.
“Sana madali-in na nila ang kanilang pagproseso para mabalik na ito sa kanilang bansa” matud ni Simon.
Bisan si Board member Gerardo Sabal, dili pa makasulti kon arson ba o dili ang pagka sunog sa maong mga basura.
Kini ang rason nga matud ni Sabal, ilang imbistigahan sa sanguni-ang Panlalawigan aron ilang masayan kon arson ba o dili ang maong insidente.
Gipasabot ni Sabal, nga ilang ipatawag sa Sanguni-ang Panlalawigan, ang tanang stake holders sa maong mga basura, aron mahatagan sa tubag ug katin-awan, ang pagduda ni Uy, nga destructive arson ang maong insidente.
Bisan si FO3 Jodiven Echevaria, nga Imbistigador sa Phil. Industrial Estate- Misamis Oriental kon PIE-MO, mi-ingon, nga dili pa nila masulti, kon arson ba o dili ang pagka sunog sa maong mga basura, samtang kamolo pa ang ilang Imbistigasyon.
Apan Matud ni Ecevaria, nga dili Ordinaryong sunog ang maong hitabo, kay ang ilang pagpalong sa kalayo, mikabat sa hapit 12 ka oras.
“Nag-start ang sunog sa maong mga garbage mga 1:43 p.m. niadtong lunes Aug. 12, among na-fire out, 12:46 mid-night niadtong Aug. 13” matud ni Echevaria.
Matud ni Echevaria, nga sa ilang initial investigation, nga layo ra sa posibilidad nga arson ang maong sunog.
Kini sa rason nga sa wala pa masunog ang maong mga garbage, gibantayan na kini daan sa mga Police, ug mga tanod sa lungsod sa Tagoloan.
Matud ni Echevaria, nga sa ilang theory sa mga fire Investigator, nga posibling “Spontaneous combustion” ang hinongdan sa maong sunog.
Gibutyag ni Echevaria, nga ang spontaneous combustion kasaragan kini makuha gikan sa kainit sa adlaw.
“Kon maigo sa init sa adlaw ang mga plastic, bildo, ug uban pang combustible materials, dunay posibilidad nga mo-spark to siya, mao kana ang gitawag nga spontaneous Combustion, unya kay basura man to siya, na-a gyud toy methane gas, ma-oy nay among nearest theory ” matud ni Echevaria.
Apan matud ni Echevaria, nga kini theory lamang ug wala pay final result sa ilang Imbistigasyon,.
Matud ni Echevaria nga gihatagan sila ni PIE-MO chief, fire Inspector Randy Obsioma, sa 20 ka adlaw sukad niadtong Aug. 12, aron pagtapos ug pagsubmit sa report sa ilang Imbistigasyon sa nasunog nga basura sa Verde Soko.
Gibutyag ni Echevaria nga ang tanang stake holder sa maong mga basura, ilang hatagan sa copy sa final result sa ilang imbistigasyon sa PIE-MO.
