Boracay – Nagtuga it madaeom nga pagbaha sa isla it Boracay rong mabaskog nga pag ilinuean kahapon nga daea it Tropical Depression nga si “Falcon”.
Bangud sa pagbaha pila ka mga karsadahon ron uwa maagyi kahapon partikular sa main road it Brgy. Balabag ag Yapak.
Kaeakip man sa mga ginbaha hay rong D’Mall commercial complex.
Ro nasambit nga pagbaha hay hay sa pikah kung ginapatigayon nga rehabilitasyon sa isla nga hasta sa makaron hay uwa pa matapos rong pag upgrade it main road, drainage ag sewerage system.
Matandaan nga ginpasara rong isla it Boracay ni President Rodrigo Duterte ko Abril 26 hasta Oktubre 25, 2018 ag uman nga ginbuksan sa turista.
Facebook Comments
