“Lady Boy.”
Sambilog sa mga problema it Boracay Tourist Assistance Center (BTAC) bangod sa permi lang do mga daya nga gina reklamo it mga turista sa isla bangod sa andang gina himo nga pagpanloko.
Sa session it Sangguniang Bayan kung Malay ko Martes ging paabot ni SB member Frolibar Bautista do daya nga problema bangod sa uman nga natabo ko nagtaliwan nga dominggo kung siin sangka agi eoman do nakulong bangod sa ging himo nga pagpanloko sa sangka Koreano nga turista.
Suno kay SB Bautista nasobrahan eon do ibang mga lady boy ngara ag kinahang-ean nga mataw-an eon it naga kaigo nga aksyon agod nga indi eon mauman do mga naunang kaso it pagpanloko nanda sa Boracay.
Bangod kara igapaidaeom do daya nga ging hambaean sa Committee Hearing agod nga maistoryahan pagid it mayad ag makahimo sanda it tikang kontra sa ibang mga lady boy nga naga himo kung pagpanloko sa mga turista.
Ron dayang mga lady boy hay naga guwa sa beach area pag-abot it alas-7 it gabii kaibahan man do pila ka mga babaye halin sa station 1 to station 3 ag naga bantay it mga parokyano nga andang matipuhan ag sampiton depende sa andang kasugtan.
