KALIBO, AKLAN — Sa pangatlo eon lang nga pwesto rong isla it Boracay sa listahan ko sikat nga international traveler’s magazine bilang world’s best island makaron nga dag-on.
Nagpanguna sa listahan rong Palawan nga nakabuoe it 93.15, nagapangaywa ro Hilton Head Island sa South Carolina nga nakabuoe it 90.83 ag pangatlo rong isla it Boracay nga nakabuoe it 89.67 nga score.
Rong resulta ngara hay base man sa rating nga gintao it mga manugbasa nga ginbase man sa aktibidad, pagkaon, friendliness, mga taean-awon, natural attraction, beach ag ro over-all value.
Kaeakip sa listahan ro iba pa gid nga lugar kapareho kung Galapagos Island sa Ecuador; Santorini sa Greece; Maui ag Kauai sa Hawaii; Ischia sa Italy; Hvar ag rong Dalmatian Island sa Croatia; ag Bali sa Indonesia.
Maskin nga sa pangatlo makaron nga lugar rong isla it Boracay nagasalig pa gihapon rong LGU-Malay sa pagkilaea ngara para maka ingganyo it maabo pang turista.
Nasayuran nga pang No. 2 ro isla it Boracay ko nagtaliwan nga dag-on.
