Tigayon na nga nabawian sang kabuhi si Brgy. Zone 2 Kapitan Hernani delos Reyes matapos nga nahulog sa ginsakyan nga tricycle sang papauli sa iya nga puluy-an pasado alas-8: 00 sang gab-i sang Setyembre 6, 2020. Ini ang kumpirmasyon mismo sang iya nga adopted son.
Sa interview kahapon sang hapon kay ABC President Gregorio Presga, papauli na sa iya nga puluy-an si Kapitan delos Reyes halin sa Brgy. Carpenter Hill sang Dominggo sang gab-i kag nakabackride ini sa ginasakyan nga tricycle upod ang iya BPAT, apang sang malapit na lang sa iya nga puluy-an nahulog ini kag naigo ang iya suno pa nga ulo sa semento.
Gilayon naman nga gindala sa isa ka pribado nga ospital dire sa syudad sang Koronadal ang opisyal.
Ginkumpirmar man ni Kapitan Presga nga gindala pa sa ospital sa General Santos City kahapon nga adlaw ang opisyal para sa dugang nga medikasyon, apang gindeklarar nga patay pasado alas 4:45 subong nga aga.
