Ginpasalamatan ni South Cotabato Provincial Agriculturist Dr. Raul Teves ang Department of Agriculture Region 12 sa ginhatag sini nga masubra P7milyon nga Post harvest facilities kag Machineries sa Provincial Government sang South Cotabato sa idalom sang rice program kag high value crops development program.
Suno kay Doktor Teves igahatag ang mga nasambit nga Post harvest facilities kag Machineneries sa mga kooperatiba ukon asosasyon sa South Cotabato depende sa ila sini nga kinahanglan.
Apang ang iban sa mga makina kag mga gamit magapabilin sa Probinsya para sa ipatukod nga agriculture motorpool para buligan ang mga mangunguma sa ila sini uma.
Lakip sa mga ginhatag sa idalom sang rice program ang 1. 10 units hand tractor 2. 10 units rice threser 3. 20 units seed spreader 4. 4 units shallow tube well 5. 10 units rice transplanter
Samtang sa idalom naman sang high value crop development program ang 1. 2 Units sang shallow tube well 2. 50 units sang garden tool 3. 3 rolls (1×60) HDPE pipes 4. Seven rolls (2×60) HDPE pipes Suma total may kabug-usan nga P6, 902, 255.74
