Roxas City, Capiz- Naglab-ot sa 14,054 ka mga aspirants ang nag-file sang Certificate of Candidacy(COC) para sa Mayo 14, 2018 nga Sangguniang Kabataan kag Barangay Election.
Base sa datos sang Capiz Provincial Comelec Office, 934 ang nagfile sa pagka-punong brgy; 7, 198 ang mga nagfile sang COC para sa pagka-Brgy. Kagawad; 941 sa pagka-SK Chairman kag 4, 981 naman ang nagfile sang COC sa SK Kagawad.
Suno kay Provincial Comelec Supervisor Atty. Will ArceƱo, mas mataas ang nasambitan nga numero kun ikumparar sa nakaligad nila nga mga rekord.
Ginalantaw nga rason amo nga mas na-expand ang edad sang mga mahimo nga magapadalagan sa SK.
Madamo man ang naghingabot sa extension sang filing sang Abril 21.
Suno sa iya ginaekspektar nga pagadal-on nila ang nasambitan nga listahan sa central office sang Comelec sa maabot nga Abril 26.
Sa ila obserbasyon, nangin malinong kag matawhay ang filing sang COC halin sang Abril 14 tubtob 21.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
