Mokabat sa 40 ka sakong bugas humay, ug mga medical supplies, nga gitago-an sa mga New Peoples Army, NPA, apan nabawi sa militar, didto sa sitio Bulacao, barangay Conception sa Valencia City Bukidnon, bandang 8 a.m. niadtong Valentines Day.
Mao kini ang gibutyag ni 2Lt., Sancho Tomaquin, ang Public Information officer sa 88 Infantry Battalion, ubos sa 4th Infantry Division, Phil. Army.
Matud ni Tomaquin, nga ang maong mga pagka-on, ug medisina, gilubong sa NPA ilawom sa Yuta, nga gisulod sa Plastic Container, didto sa kakahuyan sa maong dapit.
Mokabat sa 67 ka mga Plastic container ang gisudlan sa maong mga bugas, samtang duha ka Drum ang gisudlan sa mga tambal, ug uban pang klasi sa la-in la-ing mga pagka-on.
Matud ni Tomaquin, nga ang mga sundalo sa 88 Infantry Battalion, naglunsad sa ilang military Operation, sa dihang dunay mga residente sa sitio Bulacao, ang nag-sumbong kanila, batok sa Extortion Activities sa mga rebilde.
Matud ni Tomaquin, nga sigon sa sumbong sa mga residnte, nga gikapoy na sila sa kanunay nga extortion activities sa NPA.
Tungod niini, gipahayag ni Lieutenant Colonel Randy Remonte, Commanding Officer sa 88th Infantry Battalion, nga iyang gipasalamatan ang mga residente sa Brgy. Concepcion, didto sa Valencia City, ug mga barangay official sa iyang paghatag “Tips” sa mga sundalo, batok sa extortions activities sa NPA.
