Gideklera ang probinsya sa Bukidnon isip Conflict-Manageable and Ready for Further Development (CMRFD).
Ang mao nga deklarasisyon gihimo sa 403rd Infantry Brigade (403Bde) ug sa Local Government Unit (LGU) sa Bukidnon niadtong Agosto 7 ning tuiga.
Sa interview sa RMN Malaybalay ngadto kang Cpt. Norman Tagros, ang civil military operation officer sa 403rd Brigade, gibutyag niini nga ang mao nga deklarasyon magsilbing dalan ngadto sa pagkab-ot sa kalinaw ug kalambuan sa probinsya.
Nasayran nga ang mao nga deklarasyon gihimo pinaagi sa joint signing sa Memorandum of Agreement (MOA) tali sa LGU of Bukidnon pinaagi ni Governor Jose Maria R. Zubiri Jr, ug Brigadier General Eric Vinoya, ang Commander sa 403Bde.
Gipahayag pa ni Tagros nga ang pagdeklara sa Bukidnon sa CMRFD, mas gi-ila sa LGU-Bukidnon ang responsibilidad sa pagsulbad sa problema mahitungod sa hisgutanan sa kalinaw, seguridad ug kalambuan.
Usa matud pa sa huptan nga kaakuhan sa probinsya mao ang pagpadayon sa mga proyekto ngadto sa kalambuan sa Bukidnon pinaagi sa pagbukas ug dugang investment ug mga proyektong pang-imprastraktura.
