Nakapagtala ang Philippine Institute of Volcanology and Seismology (PHIVOLCS) ng minor Strombolian activity eruption sa Mount Kanlaon simula kaninang 1:17 p.m.
Ayon sa PHIVOLCS, bago mag-12:00 noon kanina ay nakuhanan ng time-lapse footage ang panandaliang lava fountaining ng bulkan.
Batay sa mga obserbasyon, nagbuga ang bulkan ng ash plume na umabot sa humigit-kumulang 700 metro mula sa bunganga bago ito tangayin ng hangin patungong kanluran-hilagang kanluran.
Samantala, nasa ika-70 magkakasunod na araw na ang effusive eruption ng Mayon Volcano.
Patuloy itong naglalabas ng lava flows, pyroclastic density currents, at rockfall sa paligid ng bulkan.
Gayunman, nananatili sa Alert Level 3 ang status ng Mayon at mahigpit na ipinagbabawal sa publiko ang pagpasok sa loob ng 6-kilometer Permanent Danger Zone.
