Bun-og sa walang bahin sa tiil ug hawak ang naangkon sa usa ka babaye human mibangga ang gisakyang motor sa KIA Avella alas 7 karong buntag.
Gibutyag sa 30 anyos nga driver sa motor nga si Ernesto Cabunilas, misutoy pagpadagan ang driver sa KIA Avella bisan naka stop na ang sign sa traffic light sa dalang Luna-Velez hinungdan nga mibangga sila sa sampot nga bahin sa sakyanan.
Samtang, Giangkon usab sa driver sa KIA Avella nga si Rosilo Micabalo, 39 anyos nga taga Balubal ug supply clerk sa Northern Mindanao Medical Center nga nagdali kini tungod kay hapit na ma-late sa iyang duty.
Dali usab nga miabot sa area ang mga traffic enforcer ug polis gikan sa Station 1, Divisoria nga maoy mi-imbistiga sa maong insidente.
Kaso karon ang gi-refer na sa traffic unit samtang ang biktimang naila lang sa ngalang Richelda ang daling gidala sa hospital aron matambalan.
