Bunawan ug Calinan River gi-monitor

54

Davao City – Ginamonitor 24 oras sa kapolisan sa Calinan ang kasapaan aron maseguro nga mabantayan kun adunay kalit nga pagbaha tungod sa dautang panahon nga dala sa bagyong Basyang.

Subay sa pagmonitor sa kapolisan sa Calinan, normal lang ang sapa ug walay pagtaas sa level sa tubig ang nasinatian sa katawhan sa upat ka mga barangay sa flood front areas sa sentro sa Calinan, Brgy. Domingga, Dalagdag ug Brgy. Lampiyanao.

Nakig-alayon usab ang mga Disaster Team sa barangay ngadto sa kapolisan aron hugot mabantayan ang kahimtang sa katawhan kun ugaling dunay kalit pagbaha ug dali usab mapahibalo sa mga residente nga muhikling palayo sa mga lugar nga nagpuyo daplin sa kasapaan.

Samtang ang kapulisan sa Bunawan padayon nagamonitor sa kasapaan sa may Bunawan River ug sa Brgy. Lasang hinuon walay mga pagbaha nga nasinatian ang katawhan apan gipa-alerto ug nagmaigmat ang katawhan ilabina sa nagpuyo daplin sa kasapaan sa nasangpit nga lugar.

RadyoMaN Don Pulayao

Facebook Comments