Gipasalig sa Bureau of Customs o B-O-C Region 10 nga wala nay mga matanggong nga mga kargamento sa Mindanao International Container Terminal kon M-I-C-T.
Kini ang nahimong tubag sa M-I-C-T human nga nagpadayag sa kabalaka ang pipila ka mga stakeholder nga adunay mahitabong anomaliya sa pagpalusot sa mga kargamento nga dilimahibaw-an sa mga opisyal sa B-O-C.
Kini human nga gipagawas sa Bureau of Customs ang x-ray machine gikan sa Designated Examination Area kon DEA.
Nasayran nga ang pagbalhin sa x-ray machine gikan sulod sa DEA, usa ka dakong kalapasan sa memorandum nga gi-isyu ni kanhi Customs Commissioner Ruffy Biazon sa tuig 2013.
Apan matud sa B-O-C nga gigamit ang maong x-ray machine aron nga mapadali ang pagproseso ilabina nga ubay-ubay ang alerted shipment niadtong higayona kung asa gidudahan nga adunay hoarding nga nahitabo sa supply sa bugas gumikan sa kalangan sa pagpagawas sa maong kargamento.
Luyo niini, gipasalig sa B-O-C nga ilang paningkamotan nga walay mahitabong pagpalusot.
