Sikop sa gihimong buy bust operation ang usa ka kanhi bus driver ug uyab niini sulod sa girentahang apartment sa Barangay Lumbo, Valencia City, Bukidnon kagabie.
Kini ang gibutyag ni Police Lt. Col. Surki Sereñas ang Hepe sa Valencia City Police Station.
Matud ni Lt. Col. Serenas nga ang bus driver nailang si Ronald Peligrino.
Gidugang ni Serenas nga nagtoo si Peligrino nga walay mahitabong raid tungod kay holiday kagahapong adlawa apan gibutyag sa Hepe nga walay holiday sa mga pulis.
Nasayran nga si Peligrino niundang sa pagka bus driver ug namaligya nalang sa druga tungod kay taas matud pa ang demand sa druga sa iyang mga kaubang bus drivers panahon sa holiday.
Facebook Comments
