Onse ka pasahero ang samaran sa dihang naligid ang usa ka Pabama bus sa National Highway sa Purok 5-A, Lumbo, Valencia City, Bukidnon kagahapon sa hapon.
Matud ni Police Supt. Richie Yandug, Hepe sa Valencia City Police Station nga ang pito ka samaran gidala sa Lavina General Hospital ug ang upat gidala sa Valencia Adventist Medical Center.
Gikustodiya karon sa kapulisan ang drayber sa bus nga si Ronald Pangantao, 38 anyos, minyo ug taga Purok 2, San Vicente, Dangcagan, Bukidnon.
Sa imbestigasyon sa kapulisan nga ang bus gikan sa Cagayan de Oro ug paingon sa Kibawe, Bukidnon apan kalit nga ni zigzag ang dagan, nibangga sa kanal ug natumba sa walang bahin.
Gidugang ni Supt. Yandug nga sakay sa maong bus ang gibana-banang 32 ka mga pasahero.
Facebook Comments
