Aurora, Zamboanga del Sur – Patay ang usa ka lalaki nga dunay kasong murder dihang napusilan sa mga sakop sa kapulisan sa Aurora, RID-Task Force Tugis, Provincial Intelligence Battalion -Zamboanga del Sur Police Provincial Office,902nd MC, Regional Mobile Force Battalion 9, Molave MPS Inteliigence Officers ug tropa sa Regional Intelligence Unit 9 atol sa gilusad nga Joint Counter Strike Operation didtong dapita sa old National Highway, Purok Makugihon, Brgy. Campo Uno, Aurora, Zamboanga del Sur.
Ang napusilan mao si Ronel Bation Japay alyas “Jimboy”, residente sa Purok 1, Brgy. Sinaging, Ramon Magsaysay, Zamboanga del Sur.
Sa interview sa RMN Pagadian kang PCI Edgar Hinoctan ang hepe sa Aurora PNP, ilang gikasa ang counter strike operation human masuta nga positibo ang mga taho nga ilang nadawat nga dunay target nga tirahon sa maong dapit ang suspetsado nga giilang gun for hire.
Dihang gisita ang suspek nga sakay sa motorsiklo nagmagahi matud pa kini sa pulis og nidagan paingon sa sagbutan nga bahin dungan ang pagpabuto sa iyang armas.
Wala makabastar ang abilidad sa suspek dihang nabalsan sa otoridad nga misangko sa hinanali niini nga kamatayon.
Nakuha gikan sa posisyon ni Japay ang calibre 45 nga pistola ngg gisukipan sa mga buhing bala ug narekober gikan sa XRM nga motorsiklo nga iyang gigamit ang usa ka granada.
