Magapabilin nga “business as usual” sa Bacolod bisan pa nga magagamit na sang Home Quarantine Pass (HQP) ang tagsa ka mga household sumugod sa Setyembre 3, 2020.
Ini ang gin-athag ni Vice Mayor El Cid Familiaran may angut sa amat-amat na nga pagpanagtag sang HQP sa tagsa ka mga barangay.
Suno kay Vice Mayor El Cid Familiaran, natalana nga magpaguwa si Mayor Evelio Leonardia sang Executive Order may angut sa paggamit sang HQP, curfew kag border checkpoints ini ang kasunod sang ordinansa nga nagahatag emergency power sa alkalde nga magpatuman sang mas istrikto nga mga health measures sa tunga sang pandemic.
Suno kay Familiaran, ang HQP ang sarang magamit sang tatlo ka miembro sang tagsa ka mga household tubtob sa Setyembre 15. Gin-athag man ni Familiaran nga ang paggamit sang HQP ang indi patimaan nga magabalik sa Enhanced Community Quarantine (ECQ) ang Bacolod.
[image: image.png]
