![LPG-AND-BUTANE-TANKS.jpg](https://i0.wp.com/rmn.ph/wp-content/uploads/2021/05/LPG-AND-BUTANE-TANKS.jpg?resize=696%2C522&ssl=1)
Ginkumpiskar sang mga otoridad ang mga butane canister kag LPG tanks sa ginpatigayon nga operasyon sang gintingob nga pwersa sang RID 12, Koronadal CPS, batok sa illegal refilling kag trading sang butane canister sa Prk Leganes, Brgy Zone 1 kag Prk Romsiville, Brgy. Sta. Cruz, Koronadal City, alas 4:00 sang hapon, kahapon nga adlaw,Mayo 6, 2021.
Nagresulta naman ini sa pagkaaresto sang duha ka mga persona nga iligal nga nagabaligya sang nasambit nga mga produkto.
Narekober naman sa posisyon kag kontrol sang mga ini ang apat ka tangke sang Phoenex LPG 50 Kg, 4 ka tangke sang Solane LPG 11Kg, 8 ka tangke sang Phoenex LPG 11 Kg, 500 ka empty cans sang butane canister, 150 cans filled butane canister kag isa ka refilling tube nga may 6 ka outlets.
Kaso naman nga pagbayolar sa PD 1865 ang ipasaka sa duha ka mga negosyante nga ginkustodiya naman sa Koronadal CPS.